Jakob var að keppa á Shellmótinu í Eyjum (þetta er mót fyrir 9/10 ára fótboltastráka af öllu landinu) og ég tók að mér liðsstjórn ásamt öðru foreldri fyrir C lið Fylkis sem Jakob keppti með (það sem maður lætur hafa sig út í!! :) ) Þetta voru allt frábærir strákar og stóðu sig svo vel að þeim tókst að vinna bikarinn í sínum riðli!!! Það voru hamingjusamir strákar sem hömpuðu bikarnum eftir mikla baráttu, harmleiki,gleðileiki, meiðsl, blóð, svita, tár, reiðiköst,hlátursköst á fyrsta stórmótinu sínu (alla veganna hjá Jakobi). Jakob stóð sig mjög vel og það er næstum því ótrúlegt að hann hafi ekki byrjað að æfa fyrr en um síðustu áramót. Eins og þið getið ímyndað ykkur þá hefur fótboltaáhuginn ekki dofnað eftir annan eins árangur og líklega verð ég að hampa hlutverki "soccer mum" í langan tíma sem er ekki leiðinilegt skal ég segja ykkur!
No comments:
Post a Comment