6 mánaða!!!

Um helgina varð Einar Tryggvi 6 mánaða! Ótrúlegt hvað tíminn hefur verið fljótur að líða. Hann er hress og kátur og er farinn að burðast við að sitja. Þennan mánuð höfum við verið að prófa okkur áfram með mat og núna er hann farinn að borða 2x á dag og jafnvel þarf að bæta við þriðju máltíðinni. Hann hefur verið svoldið kresinn á fæðið en það má segja að grautur blandaður með perumauki er toppurinn á tilverunni...vonandi tekst mér að fá hann til að meta heimatilbúið grænmetismauk sem Jakob borðaði með bestu lyst á hans aldri Nú styttist heldur betur í að ég byrji að vinna og að Pétur komist í fæðingarorlof og það lítur út fyrir stuðsumar hjá þeim feðgum...
bestu kveðjur

Ljós.....

Einar Tryggvi hefur nánast frá fæðingu verið heillaður af hvers kyns ljósum og hefur því verið spáð framtíð sem rafvirkja. Hann gat dundað sér við að stara á borðstofu ljósið í langan tíma og ekkert gladdi hann meira en maður sneri því örlítið þannig að hreyfing komst á birtuna.....núna skríkir hann af gleði hef maður heldur teppinu yfir hann þannig að ljósið falli í gegnum götin í mynstrinu á teppinu......Hin myndin er tekin upp í rúmi hjá stórabró, þar sem hann unir sér mjög vel.

Feðgar

kveðjur
Klara

Vor í lofti....

Eins og þið vitið sem búið á meginlandinu einhvers staðar, þá er er það birtan sem skilgreinir byrjun á vori á Íslandi en ekki hitastig eða gróður-uppvakning. Sigga og Snorri byrjuðu á vorverkum í garðinum sínum um helgina en um það leyti og þau fara að tína jarðaber þá getum við byrjað á vorverkunum í görðunum hér :)...en blessuð birtan er komin til að vera næsta hálfa árið eða svo..... og þegar vel viðrar er vor í lofti þrátt fyrir kulda og snjó....
bestu kveðjur héðan

Fimm mánaða!

Ég held að myndbandið í síðustu færslu segir meira en mörg orð um Einar Tryggva okkar...hér er nokkrar myndir teknar á síðustu dögum og eins og þið sjáið þá er hann að taka miklum breytingum....... Jakob er alltaf jafn ánægður með litla bróður......

Einar Tryggvi hefur ýmislegt til málanna að leggja!