Ýmislegar myndir

Einar Tryggvi sefur vel í dag þannig að maður gefur sér tíma til að setja nokkrar myndir til viðbótar á netið, myndir sem hafa beðið birtingar ........

Einar Tryggvi

Hér eru nokkrar myndir úr skírn Einars Tryggva á laugardaginn var....
bestu kveðjur

Sigga í heimsókn!!!!!!!!!!!!!!!!!!!!!!!!!

Elsku Sigga systir er í heimsókn hjá okkur til að kíkja á prinsinn....
Hér eru mynd af þeim sérstaklega tekin fyrir strákana hennar í Hollandi sem leyfðu henni að heimsækja Jakob og Lilla í nokkra daga :)
Svo læt ég eina nærmynd fylgja af prinsinum sem verður skírðu á morgun..........

8vikna.....

Sá litli er er allur að stækka og þroskast og oftast stutt í brosið núorðið. Hann sefur vært og vel á næturnar en vakir mikið á daginn sem verður auðvitað til þess að tími við tölvuna er svolítið takmarkaður og því er ekki bloggað oft maður vildi.......þið sem fylgist grannt með þessum myndum hérna verðið að fyrirgefa það.
Elín Bryndís og Margrét eru að þessu sinni fulltrúar góðra gesta sem hafa heimsótt okkur undanfarið.

+8 vikna

Við fórum með litla prinsinn 7 vikna í 6 vikna skoðun og allt leit vel út. Hann hefur dafnað mjög vel, orðinn 61 cm og rúm 5400 grömm. Jakob er afskaplega góður við Lilla enda finnst þeim stutta mikið til stóra bróður koma....
kærar kveðjur

Hér er önnur tilraun með "hreyfimynd".....til að gera þær ekki of þungar í vöfum þarf maður að minnka gæði og stytta en ég er viss um að sá hluti fjölskyldunnar sem býr víðs vegar í Evrópu og nýtur þess engu að síður .........

6VIKNA_framhald

Sá litli virðist njóta þess að komast í bað.........:)

6VIKNA

Fimm vikna !!!

Fallegasta bros í heimi?????

Ýmislegt

Hildur














Valerie




Hérna læt ég fylgja nokkrar myndir án margra orða.
Við fáum sem betur fer oft yndislegt fólk í heimsókn og því miður gleymist stundum að draga fram myndavélina en hér er mynd af Valerie, samstarfskonu minni og Hildi, frænku Péturs sem fulltrúa góðra gesta........
Bestu kveðjur

Sambandslaus í boði Símans!!!! :)

Kæra fjölskylda og vinir
Afsakið hversu langt hefur liðið í þetta sinn. Við fengum uppfærslu á ADSL kerfinu hjá okkur með þeim afleiðingum að í stað betrumbóta lá það niðri um nokkurt skeið.
Héðan er allt mjög að frétta. Hann varð 5 vikna á sunnudaginn var en því miður erum við enn að brasa við að finna honum passandi nafn. Hlutir, eins og nafnagift,sem okkur fannst vera smáatriði fyrir fæðingu eru orðnir að aðalatriði núna. Það segir kannski meira en mörg orð um það hversu vel allt virðist ganga. Hann er farinn að vera meira vakandi á daginn ....í rauninni tekur hann ekki langa lúra yfir daginn en sefur vel á næturnar og fram eftir morgni. Jakob stendur sig frábærlega og sýnir mikla ábyrgð gagnvart litla bróður. En nóg um kjaftæði í þetta sinn. Á meðfylgjandi myndum má sjá ömmu Elínu með strákinn okkar en hún heimsótti okkur um þarsíðustu helgi þegar sá litli var fjögurra vikna.......
Ástarkveðjur héðan úr Hraunbænum
p.s. Halldóra mín .....tekuru eftir teppinu? Ég heklaði alveg sjálf eða þannig.....;)

Velkomin heim og til hamingju með afmælið amma Ragga!

Amma Ragga og afi Willy snúa aftur heim í dag eftir Afríkureisu sína. Myndin var tekin kvöldið áður en þau lögðu af stað fyrir rúmum tveimur vikum. Amma Ragga hélt upp á stórafmæli í Afríku en vonandi fáum við að hylla hana hérna heima á næstunni........

Þriggja vikna og brosir BARA til Jakobs :)

Nýji prinsinn okkar varð þriggja vikna á sunnudaginn var. Hann braggast vel enda eyðir hann miklu tíma "á spenanum", sér í lagi yfir daginn.....hingað til hafa næturnar verið mjög þægilegar og allir ná að hvílast vel.
Hann er byrjaður að brosa og fékk Jakob vinninginn þ.e. fyrsta brosið....fyrstu brosin!!!!!! (sá stutti horfir enn með mikilli furðu á okkur fullorðna fólkið......)
bestu kveðjur

Hér hefur verið margt góðra gesta og von á fleirum og við hlökkum til að hitta alla og sýna nýja prinsinn....
Við náum ekki myndum af öllum er hérn eru myndir af frænkunum fríðu á Grandavegi og af Glóey, vinkonu okkar.
Yfir okkur hafa rignt hugheilar kveðjur, gjafir og jafnvel bakkelsi frá nágrönnum, vinum og fjölskyldu, nær og fjær. Við þökkum ykkur öllum kærlega fyrir :)
Bestu kveðjur

Tveggja vikna

Eins og sjá má á meðfylgjandi myndum er hann nokkuð "kúlaður" eins og Jakob myndi orða það í gallajakkanum sem hann fékk sendan frá Hollandi.......
bestu kveðjur

Stolt amma !

Amma Ragga er mikil hannyrðakona og eins og sjá má á meðfylgjandi myndum en peysuna og húfuna prjónaði hún af sinn alkunnu snilld. Það vill svo skemmtilega til að liturinn á flíkunum passar einstaklega vel við hinn fallega rauða háralit sem prýðir drenginn......ætli að afi Willy hafi dreymt fyrir þessum háralit og látið Ragnheiði vita???????

Viku gamall !

Þessi fallegu blóm bárust okkur strax frá afa og ömmu í Freiburg og gleðja okkur enn, viku seinna....














Guðbjörg með Lilla











Bræðurnir að kynnast






























Tíminn flýgur áfram og hér ríkir eintóm sæla. Ég hefði ekki trúað hversu indælt þetta er þegar allt virðist ganga eðlilega fyrir sig enda er þetta svolítil önnur upplifun en með Jakob okkar nýfæddan.
Lilli litli dafnar vel og er bara indæll og mátulega vær.....Fæðingin gekk eins og í sögu.....reyndar gerðist allt mjög skjótt og okkur tókst að endurtaka leikinn eins og með Jakob þ.e. ég var alveg við að eiga þegar við komum upp á deild. Ég hringdi í Siggu systur um kvöldmatarleytið til að óska henni til hamingju með daginn (hún átti afmæli) og sagði henni að ég myndi nú líklegast ekki ná þessu fyrir miðnætti þegar allt fór af stað og Lilli fæddist korter yfir níu um kvöldið. Ég hef víst ekki sett inn nákvæmar tölur sem margir hafa áhuga á en hann vó 3793 grömm (tilaðveranákvæmur) og var 51 cm langur. Með þessari færslu eru nokkrar myndir teknar í vikunni......
Bestu kveðjur héðan úr Hraunbænum

...og fleiri teknar í dag.....